Dr.Zulfiqar Mirza Ki Press Conference

kal sham Karachi Press Club main Dr.Zulfiqar Mirza ne aik dhuwan dar Press Conference ki. ye Pakistan ki tareekh ki pehli press conference thee jis main kisi ne Quran sharif par haath rakh k aur Quran Sharif ko sar par rakh k press conference ki  ho.

un ki press conference bohat taveel thee aur us press conference main unhoun ne hairat angez inkishafat kiay. 

is Press conference k ba'ad raat 10 baje Geo TV par Hamid Mir k capital talk main bhi telephone par sahafion k sawalat k khul kar jawabat diay. apni press conference main bhi aur capital talk main bhi unhon ne Federal Interior Minister Rehman Malik par, MQM k qaid janab Altaf Hussain aur MQM par sangeen ilzamat Aaed kiay.

un ka kehna tha k agar Pakistan ko nuqsan hoa tou woh Rehman Malik se hoga. un ka ye bhi kehna tha k Karachi ki target killing main MQM mulawis hy aur Altaf Bhai America k saath mil kar Pakistan torne ki sazish kar rahe hyn.

• Aakhir woh aisi kya baat hy Aap ki nazar main k Dr.Zulfiqar Mirza phat pare?
• Aap k khayal main Dr.Zulfiqar Mirza ki press conference un ki zati rae thee ya kisi k ishare par unhoun ne ye press conference ki?
• agar kisi k ishare par ki tou kis k ishare par ki?
• Aap k khayal main Zulfiqar Mirza sahab ne jo kuch bhi kaha Rehman Malik, Altaf Hussain aur MQM k bare main woh sab kuch sach kaha ya unhoun ne 100% jhoot bola? ya us main sach jhoot donoun shamil hyn?
• kya hamari Establishment aur Courts Dr.Zulfiqar Mirza ki baatoun ko serious le kar fact finding karainge ya nahi?
• agar un ki press conference main sachai hoi tou Army, ISI aur Pakistan Government ko kia action lena chahiay?

Doctor zolfiqar Mirza

100 bato ki ek bat Ekhtayaraat ki jung, onki lathi onki power Federal interior minister use kurta hay jo onko bora lugta or MQM ki direct line sudur zurdari say ja milti rehman malik kay through, so rehman malik or MQM ki surgoshiyaan problem payda kurti hen, chay zolfiqar mirza ho ya Altaf hussain ho ya zurdari ho ya nuwaaz shureef ho meri nuzur meah sub anti pakistan hen, Fitna fussad , Nifaaq phalana logo ko rung nusul zobaan meah tuqseem kurna onko apus meah luraana enka kam or lasho pur siyasat kurna enka pasha,

zulfiqar mirza

Dr Qasim's comments

Najm Sethi ka tajzeya

Meri Nuzzur Meah

Election Pakistan ka koi Solution nahi hay, agur Election hota hay tu pher yeh parties jo abi iqtadar meah hen eno nay or odum muchana hay or nufrat phalani hay ku kay Awaam nay enko next time reject kurna hay haa albuta MQM kay vote bank ko koi khutra nahi ku kay MQM apny Under apny samny kisi ko be Khura hona moqabil hona pussund nahi kurti yeh he waja hay kay MQM ki kisi be party say Suway Iqtadaar kay sumjoota hay mil baant kur khany kay elawa kubi sumjota nahi howa hay, chaay jumaat islamni ho , chay ANP ho , chay PPP ho chay PML N , Q ho, agur en meah say koi be Iqtadar meah hay tu MQM on say apny mohamilaat kisi na kisi tura set kur lati hay lakin jub iqtadar meah nahi hoty pher yeh esa nahi kurty,

Election Pakistan ka solution nahi hay bulky pakistan ka solutioni Hur tura kai political activites pur 10 Years kay leyeh pabundi lugany meah hay, ta kay logo ko sokh chain mily, hur tura kay Political media fight pur pabundi ho, Julsy julooso , hurtalo pur pabundi ho, even kay siyasi biyanaat pur babundi ho, Jissy molk meah chain amaan sukon ho or log apna kam karobar kur sukin,

Press conference kur kur kay ya Telephonic Khitaab kur kay ya on Meida zehreely statement day kur logo meah nufrat payda kurna or onko apus meah lurwaana or murwaana bund ho,

Allah pakistan ko ek essi Emaandar Qiyadat ataa kur day jo en puleet logo ko hutaa kur enko pabund-a-sulaal kur kay Pakistan ki bonyado ko pher say muzboot kury,

Allah ki Russi Allah ka Deen or humara pakistan hay jis pur sub unite ho kur ek ho kur reh sukty hen , lakin agur Rung Nussal, Firqa, Qom , Zobaan , zaat , buraduri meah ek dosry ko tuqseem kur kay Nufraat phalaa kur he agur siyasat kurni hay tu pher pakisan meah aman chain kubi nahi ho sukta pher woh he hoga jo Karachi meah ho ra hay or yeh silisla pory pakistan meah phayil sukta hay, yeh Allah ka azzaab hay, or koch nahi kay musliman musliman ko mar ra hay bai bai ko mar raa hay, Bhai bhai ka doshman hay pakistani pakistani ka doshman hay yeh sub Allah ki sukht narazghi or azaab hay,

Election whaa hon jahaan Essy duramy baaz siyasat daan na hon jo hur wuqat apny apny morchoo meah bath kur masoom logo ko lurwaty murwaty hen, aaj ki Siyasi partis PML N ko niqaal kur baqi sari apny Jaiyaalo ko use kurti hen, or on say Gyr Qanooni kam kurwati hen,

Last meah yeh he kahon gah kay Election pakistan kay problems ka solution nahi hay, agur Election ho be jaty hen tu ap ess thread meah dobaraa aa kur meri yeh post purna or mujy bataana kay Election nay kam khurab keya ya theek keya,

agreed with Qaism bhai

jamhooriat ko chalte rehna chahiay

main doctor sahab ki is baat se agree nahi karta. meri nazar main Pakistan k tamam masail ka hal jamhooriat main hy. Pakistan jab se bana hy yahan jamhooriat sahi tarah Aae hee nahi kabhi. jab kabhi luli langri jamhooriat Aaee bhi tou usay chalne hee nahi dia gaya, kabhi Ayub Khan, kabhi Yahya Khan, kabhi Zia.ul.Haq tou kabhi Musharaf sahab fauji inqilab barpa karte rahe. kya hamare masail hal hoe in fauji dictators k daur main? Pakistan k taqreeban tamam masail k zimadar fauji dictators hyn. India ki misal sab k samne hy wahan halat jaise bhi houn magar Army ne kabhi takeover nahi kia shayad yehi waja hy k Aaj bharat Pakistan se Aage hy. agar hamare haan bhi jamhooriat chalti rehti tou Aaj hamari halat itni badtar na hoti jitni Aaj hy.

MQM ko kyun saath milana parta hy har hukoomat ko? is ki waja ye hy k karachi main MQM ka hold hy aur wahan woh har tarah k halat paida karne ki salahiat rakhte hy. Pakistan k total revenue main se 70% revenue karachi generate karta hy. Karachi Pakistan ka ab tak woh wahid shehar hy jo puray Pakistan ko palta hy. is liay koi hukoomat nahi chahti k Karachi k halat kharab houn is liay MQM ko saath milana parta hy. magar MQM ki bhi a'ajeeb nafsiat hy is ka jamhoori hukoomatoun k saath guzara nahi fauji dictators k saath is ki khoob nibhti hy. BB houn ya Mian sahab donoun ne is k khilaf operation kiay magar har dafa'a ye mulk o qaum ka'azeem mufad main in k saath mil jati hy. aur kuch a'arse ba'ad hee in se girl friend ki tarah ruthna shuru kar deti hy jab k musharaf daur main ye khoob maze se musharaf sahab k saath chalti rahi shayad waja ye hy k pura Karachi is k under thaa.

Jumhooriyat

Eagle Fly Mujy Loooli lungi jumhoriyat abi be hay , essi leyeh next time bhe jub Election hongy tu looli lungi jumhooriyat he humara moqudur hay esi leyeh mujy jumhooriyat pussund nahi pakistan kai , India India hay Pakistan Pakistan hay India ko pakistan say match ni kurin, Indian logo ka mind or hay jub ka yaa ka kay logo ka mind or hay ya bun ghiya hay ya bunaa deya ghiya hay ess leyeh yaa Jumhooriyat essi he aayghi jo loli lungri he hogi,

Koi Be Party pakistan kay mofaad meah kam nahi kur rahi , Hukomat kurty hen or pakistan meah koi or Surtaan payda kur kay pakistan ko or Zaheef or bemaar kur kay chuly jaty hen even kay KHuzana be khali kur kay jaty hen taa kay dosri hukomat ko muzaa ajay hukomat ka

jamhooriat nahi tou phir kaunsa nizam hona chahiay?

"Election Pakistan ka solution nahi hay bulky pakistan ka solutioni Hur tura kai political activites pur 10 Years kay leyeh pabundi lugany meah hay"

agar elections Pakistan k problems ka solution nahi tou Aap k khayal main phir Pakistan k problems ka solution kis main hy? political activities par pabandi kaun lagae ga? kya Aap ye samjhte hyn k Army ko aik baar phir takeover kar lena chahiay?

Eagle Fly

meah tu yeh he chahata hon ek sub Siyasat dano ki dokaano ko taaly lugaaon or enki buk buk roz ki bund kuro or pakistan ki bonyadoo ko muboot kurny kay leyeh 10 saaal Ek program pur kam keya jay jisy re-build Pakistan ka nam deya jay jis meah Energy crises, pur kam keya jay New Dams Dundy kay zor pur bunay jain, Kala bagh dam bunaya jay, Pakistan ko next 20 years kay leyeh Do gunaa ziyada bejli payda kurny wala country bunaya jay taa kay humari Industry chuly or Pakistan ki mahashi halat theek ho,  

Pakistan ki mojooda siyasat Dad Dad Eant Musjid wali Siyasat hay, woh log jo nation meah Nefaaq payda kurin onko apus meah lurwain or Unity ko tar Tar kurin woh Leaders nahi hoty on meah Country ko muzboot bunany ke ehliyat nahi hoti bulky essy log molk ko naqabil a tulaafi noqsaan daty hen,

Army bashuk ay no problem lakin Dams ka 5 Years Program lay kur, Ten years meah pakistan ko Energy crisis free buna dain, yeh kam jumhooriyat nahi kur sukti , agur kur sukty hoty tu aj kala bagh dam buna hota or aaj humary woh musail na hoty jo abi hum face kur ray hen

Energy crisis pakistan kay hur Furd ko motasir kur ray hen, Mujy pakistan kay Kisi be political leader sy dil chusbi nahi hay, mujy apny Wuttan pakistan say Lugao humdurdi or Peyar hay, mujy Nufrat hay on logo say jo Nufrat phalain , mujy nufrat hay on Logo say jo Logo ko tuqseem kurin rung nusul qom zoban ki bonyaad pur, mujy en Jehli Leaders say sukht nufrat hay,

Democracy On countries meah chul sukti hay jin meah Education hay humary han pury likhay jahil chul pher ray hen,

army aur us ka dunda

"Army bashuk ay no problem"

Aap ki baatoun se lag raha hy k Aap ye kehna chah rahe hyn k bootun wale phir se takeover karain, PTV se qaum mere aziz hum watno ki Aawaz sune jae aur army phir se apna danda chalae.

Army apni barrocks main hee achi lagti hy. Army ka kaam sarhadoun ka difa'a karna hy mulk par hukoomat karna nahi. Army ne jab bhi takeover kia hy hamesha masail hee create kiay hyn. lisaniat aur firqawariat bhi hamare fauji dictators k hee tuhfe hyn. ye jab bhi Aate hyn Muslim League ko tor kar ya jor kar aik King party banate hyn aur phir mulk ka bera gharaq karte hyn. mulk main soobiat, lisanait aur firqawariat ko phelane ki bhi kisi had tak zimadar hamari army hee hy.

Army bhi agar Aagae tou lagta hy k kabhi kala bagh dam nahi bana sake gee. kala bagh dam par agar sab tayyar nahi horahe tou doosre dams tou bane ja sakte hy. agar ye hukoomat na.ehal hy tou zaruri nahi k har hukoomat na.ehal ho. Aaj agar issues par siasat nahi hoti sirf qurbanion par hoti hy tou is ki bhi zimadar army hy. Aaj agar humare india k saath relations kharab hyn tou jahan aur log zimadar hyn tou hamari army bhi us ki kafi had tak zimadar hy.

"Democracy On countries meah chul sukti hay jin meah Education hay humary han pury likhay jahil chul pher ray hen"

humari qaum educated hogi kaise jab budget ka 75% budget hum army ko de den ge.

main apni army k khilaf nahi magar jahan hum siasatdanoun par tanqeed kar sakte hyn waheen hum apni army par bhi tanqeed kar sakte hyn . no doubt hamari army aik muhib.e.watan army hy magar meri nazar main in ka mas'ala ye hy k in ki nazar main in se ziada koi aur muhib.e.watan nahi shayad isi ki waja se masail paida hoe.