magar mu'nh per marney sey sakhti sey manaa kya gaya hai. (Europe aur America mein bohut si aurtein mardon ko marti hain).

    Irshad hai "Aisi aurtein jinki bud demaghi ka tumko ehtimal ho, unko zabani naseehat karo, aur unko unkay bister mein tanha chordo aur unko maro, phir agar woh tumhari ata'at karna shuru kardein to unko bahana mut talash karo (marney kay liye)". (Al-Nisa 76)

    Allah kay Rasool Hazrat Muhammad(P.B.U.H) nay aurton kay saath behtar sulook karney ki takeed ki hai. Irshad hai "Aurton sey acha sulook karo". "Tum log aurton kay barai mein Allah sey daro". Eman kay aatibar sey kamil tareen shakhs woh hai jiskay ekhlaq sab sey achai hun aur tum mein sey behtarin shakhs woh log hain jo apni biwiyon kay liye behtarin sabit hun". (Tirmizi) Hazrat Muhammad(P.B.U.H) nay naek aurat ko behtarin mata qarar diya hai. (Muslim) Hazrat Muhammad(P.B.U.H) ka farman hai koi shakhs apni biwi ko ghulam ki tarhan naa marey kyun kay yeh baat munasib nahi kay awwal to isey marey phir akhir din iss sey mubaashirat karey. (Bukhari) Doosri taraf Hazrat Muhammad(P.B.U.H) ney aurat ko mian ki ijazat kay baghaer nafli roza aur namaz sey mana farmaya hai aur hukum diya hai kay shohar jab bhi biwi ko bister per bulaey woh inkar naa karey. Hadees hai "Shohar jab apni biwi ko apney bister per bulaey aur woh aanay sey inkaar kardey to farishtey subha tak uss per laanat kartey rehtey hain." (Bukhari)