Aik aur hadees hai: "Kawari larki sey nikah kiya karo kyun kay woh shereen guftaar hoti hain, ziyada bachey janti hai aur thori cheez per jald razi hojati hai." (Ibn-e-Maja)

    Lekin Hazrat Muhammad(P.B.U.H) nay bevah aurton sey shadi karney sey mana nahi farmaya. Hazrat Muhammad(P.B.U.H) nay khud bevah aurton sey shadi ki. Albatta Hazrat Muhammad(P.B.U.H) nay apney ummat kay logon kay liye kanwari larkiyon sey shadi ko pasand farmaya hai.

    Kuch din pehley meray paas neem pagal patient laya gaya jiski kuch month pehley shadi hui thi. Iss ki biwi pregnant thi. Nafsiyaati analysis kay doran maloom hua kay issko apni biwi pasand naa thee, issnay shadi sey pehley apni biwi ko dekha naa tha. Isssey isska jism pasand naa tha. Iss nay biwi ko uskay parents kay ghar bhaij diya kyun kay ussey uska qurb bhi naa pasand tha. Issnay kay bar divorce deynay ka socha magar buzdili aur khandani presssure ki wajah sey woh aisa naa kar saka aur soch soch kar neem pagal hogaya.

    Jadeed mahir-e-nafsiyat iss baat per agreed hain kay mard basarat kay zariya jinsi tor per stimu'nhlate hota hai. Yani mard kay jinsi jazbaat aurat ko dekh kar ubhartey hain. Doosrey lafzon mein mard aurat kay husun, zahiri shakal-o-surat aur jismani saakht ki wajah sey pasand karta hai. Agarcha har fard kay husun ka meyar mukhtalif hota hai. Jab kay aurat zahiri shakal-o-surat ko ziyada ahmiyat nahi deti bul kay aurton kay liye mard ka profession aur social status shadi mein ahem kirdar ada karta hai.