 bewaqoof bhai
Bewaqof bhai, mujhay aap se is reply ki ummed nai thi. Beshak is waqt Pakistan mein bijli,gas,petrol or khanay peenay ki cheezon ki prices bohat barh gayi hein or awaam bohat trouble mein hai, but yeh keh dena k judges ki restoration koi issue nahin hai.. thats unfair... Mein bhi Nawaz Sharif, Aitazaz Ahsan or baqi logon ki tarah yehi kahoon gi k Judges ka masla hi is waqt Pakistan ka sab se bara masla hai..Let me explain....
Bijli, Gas , petrol or mehngayi, laqanoooniyat, dheshat gardi bohat baray maslay hien lekin yeh individuals k maslay hein. In ko sabar kar k bardasht kiya ja sakta hai. Shafeeq bhai ne kaha k bijli nahin hai tu bhai sab ka yeh masla hai, sabar karein, kya 30 saal pehlay aap ko dada bhi generator chala k bethtay thay... Jab electricity nahin thi tab bhi guzara hota tha.
Lekin bahasiyat aik nation, judges restoration hamara aik national issue hai... or aap dekhein is mein bairooni taqatein kitni sargarm hien k kisi tarah Musharaf uncle bach jaayein or Iftikhar ch. bahal na hoon.. Pakistan mein Judicial system tabah ho chuka hai, or is waja se baqi sectors bhi corruption ki inteha per pohanch gaye hien. Pakistan mein mehangayi kyon barhi.. waja yehi hia k few hundred people ne apnay faiday k liye qoum ko nuqsaan pohanchaya.. or woh sirf is liye kar sakay kyonke hamaray adalti nizaam se unhein koi khatra nahin tha.. Logon ne 450 thousand million rupees maaf karwa liye... Prime minister apnay logon ko faiday pohancha kar london bhag gaya.. Pakistan k assets 5 5 rs mein baich diye.. Steel Mills ko intehayi sasti price pe aik Indian ko baichnay ki koshish ki... Aik din aata k yeh loug Pakistan ko hi baich detay.... Opper se Musharaf sahab k karnamay bhi yaad rakhnay chahiye... Pakistan k logon ko USA k haath baichna shoroo kar diya.. Apni places di US Army ko apnay hi logon ko marnay k liye. India ko mouqa diya k woh LOC pe baar laga le takeh koi Mujahid Pakistan se Kashmir dakhil na ho sakay.. Isi liye aaj sara western world musharf ka saath de raha hai..
Tu agar Justice Dogar hi bethay rahay tu yehi kuch hota rahay ga Pakistan mein... Musharaf sahab Pakistanion koo baichtay rahein ge Ya aik din USA ko kahein ge k Pakistan mein Iraq Afghanistan ki tarah qabza kar lo..
Justice iftikhar k aanay se aik dam dam nahin ban jaayein ge, Sabziyan ziada nahin ugnay lagein gi but un k aanay se government mein kam se kam yeh dar ho ga k agar kuch ghalat kiya tu court mein hazri lagani par jaye gi. Aap sirf yeh na sochein k aaj bijli nahin hai, balkey yeh sochein k is ka zimadaar kon hai or us ko abhi tak saza kyon nahin mili.. sirf isi liye k Pakistan mein kisi ko koi dar nahin.. Jo marz aaye karo, jis ko chaho qatal karo, jahan chaho daakay maaro, kyon k aik fone karwao or aram se sab cases se bahar aa jao...... Kam se kam Iftikhar Ch se logon ko yeh umeed hai k woh Pakistani qoum k liye in luteeroon ko maaf nahin karein ge or isi liye sab un k dushman hehin... |
Electricity Problem: What Will Happened?
Re: Shafeeq
No Solution.........!