Ek nafsiyati usool ko madd e nazar rakhein kay jab mard aur aurat bar bar miltey hun aur aurat ka ravayya mard kay sath bohut acha ho, uski tareef karey aur pasand ka izhar karey aisi biwi khawand ko bharpoor sex dey aur kabhi inkar na karey to aisi aurat ko khawand na sirf pasand karta hai bul kay mohabbat karta hai uska aashiq ho jata hai uski shakl o surat chahey ma'amooli si kyun na ho.
-
Kuch khawateen apni shakl o surat kay hawaley sey zaroorat sey zyada hassas hoti hain aurton ka yeh ravayya bhi mard kay jazbaat ko off kardeta hai yeh khawateen unn aurton kay ulat hoti hain jo apni shakl o surat per bilkul dhayan nahin detiin aisi aurtein zaroorat sey zyada makeup karti hain aksar mard makeup sey nafrat kartey hain amooman mard har uss cheez sey nafrat kartey hain kay jab woh apni biwi ki taraf dekhein to unhein biwi ka makeup nazar aaey magar jild nazar na aaey. Zyada mardon ki nigaahon mein zyada makeup mein aurtein ghatya aur badsurat lagti hain yeh aurtein over dressed hoti hain agarcha mard achey libaas ko pasand kartey hain magar woh aurtein jo har waqt kamil aur bey aeb ban'na chahti hain aur iss kay liye ghanton surf kardeti hain yeh bhi mard ko na pasand hoti hain. Mard aisi aurton sey bhi bujh jatey hain jo apney makeup khusoosan baalon ko zyada ahmiyet deti hain aur khawand sey kehti hain kay inko na chuuna aisi aurtein amooman zaiwraat sey ladi hoti hain mard pasand karta hai kay biwi apney husn mein izafa karey magar zaroorat sey zyada bhi nahin.
|
