middle age kay log rozana 35 minutes aur old age kay log kam sey kam 1 hour sex kay hawaley sey sochtey hain. Yeh ek normal cheez hai.

Mardana Birth Control Ka Operation Aur Mardana Kamzori:

(Male Sterilization And Erectile Dysfunction)

    Bohut sey logon ka khayal hai kay birth control kay silsiley mein karwaey janey waley operation sey insan kay tanau (erection) mein kami ho jati hai. Research sey sabit ho chuka hai kay iss operation sey insan ki mardana quwwat per koi asar nahi parta bul kay pregnancy na honay kay khauf sey azad ho kar insan ki jinsi performance zyada ho jati hai. Albatta operation kay baad insan bacha paeda na kar sakey ga. Taham zaroorat kay mutabiq dubara operation kay zariya insan ko dubara fertile kara ja sakta hai.

Mard Kabhi Burha Nahi Hota?

    Ek kahawat mashhoor hai kay Ghora aur mard kabhi burha nahi hota. Agar aap ko kisi mahir e jinsiyat ka clinic mein janey ka ittifaq ho to wahan aapko bold letters mein yeh likha hua zaroor nazar aaey ga kay "Mard kabhi burha nahi hota---iss kay liye hamarey ek course ki zaroorat hai" Neem hakeemoon ki sirf yehi ek baat sahi hai kay mard kabhi burha nahi hota. Yani agar ek mard ki general sehat theek hai to woh 100 years ki age tak yani martey dam tak jinsi kar kardagi aur bachaey paeda karnay ka ahel hota hai. (Hyde) iss kay liye aap ko kisi course ki zaroorat nahi. Yahan bhi neem hakeemon ki sirf aadhi baat hi sahi hai.